Next refresh in seconds
موچه‌ ده‌درێته‌ توشبوانی نه‌خۆشی ئایدز
Last Updated on ئاب 30 2015

موچه‌ ده‌درێته‌ توشبوانی نه‌خۆشی ئایدز

حكومه‌تی هه‌رێمی كوردستان بڕیاریدا مانگانه‌ موچه‌ بداته‌ سه‌رجه‌م توشبووانی هه‌ڵگری ڤایرۆسی ئایدز‌و ئاماری توشبووانی ئه‌و...
هه‌ولێر؛ به‌نهێنی (104) دۆنم له‌سه‌ر كه‌سێك تاپۆ ده‌كرێت
Last Updated on ئاب 30 2015

هه‌ولێر؛ به‌نهێنی (104) دۆنم له‌سه‌ر كه‌سێك تاپۆ ده‌كرێت

سه‌رۆكی لیژنه‌ی مافی مرۆڤ له‌په‌رله‌مانی كوردستان، نهێنی پێدانی (104) دۆنم زه‌وی به‌كه‌سێك‌و تاپۆكردن له‌سه‌ری له‌شاری هه‌ولێر...
بڕیاره‌كانی كۆبونه‌وه‌ی پێنج قۆڵی
Last Updated on ئاب 30 2015

بڕیاره‌كانی كۆبونه‌وه‌ی پێنج قۆڵی

كۆبونه‌وه‌ی‌ پێنج قۆڵی‌ له‌نێوان پێنج لایه‌نه‌ سه‌ره‌كیه‌كه‌ی‌ باشوری‌ كوردستان، تاوتوێی‌ شێوازی‌ هه‌ڵبژاردنی‌ سه‌رۆكی‌...
Last Updated on ئاب 30 2015

"هه‌رێم‌و به‌غدا ده‌خرێنه‌ لیستی ڕه‌شه‌وه‌"

بڕیارده‌ری لیژنه‌ی دارایی ئه‌نجومه‌نی نوێنه‌رانی عێراق ئاماژه‌ به‌خستنه‌ لیستی ڕه‌شی به‌غداو هه‌رێم له‌لایه‌ن وڵاتانی...

به‌مه‌به‌ستی جوڵاندنی پاره‌ی نه‌وت بۆ موچه‌ی فه‌رمانبه‌رانی هه‌رێم، له‌م هه‌فته‌یه‌دا وه‌فدێكی حكومه‌تی هه‌رێم ده‌چێته‌ توركیا.

به‌گوێره‌ی ئه‌و زانیارییانه‌ی ده‌ست NNA كه‌وتون، وه‌فدێكی حكومه‌تی هه‌رێم به‌سه‌رۆكایه‌تی (ڕێباز حه‌ملان) وه‌زیری دارایی‌و ئابوری حكومه‌تی هه‌رێم ده‌چێته‌ توركیا، به‌مه‌به‌ستی ده‌ور‌و ته‌سلیم‌و جوڵاندنی پاره‌ی نه‌وتی هه‌رێم له‌توركیا، بۆ ئه‌وه‌ی موچه‌ی مانگی حوزه‌یرانی فه‌رمانبه‌رانی لێ دابه‌شبكرێت.

ئه‌وه‌شزانراوه‌، چاوه‌ڕوانده‌كرێت ڕۆژی سێشه‌ممه‌ی ئه‌م هه‌فته‌یه‌، وه‌فده‌كه‌ی هه‌رێم بچێته‌ توركیا.

پێشتر له‌وه‌زاره‌تی‌ سامانه‌ سروشتیه‌كانی هه‌رێم‌و به‌ئاماده‌بوونی‌ (وه‌زیری‌ دارایی‌‌و ئابوری‌، وه‌زیری‌ سامانه‌ سروشتیه‌كان، سكرتێری‌ ئه‌نجومه‌نی‌ وه‌زیران‌و نوێنه‌ری‌ حكومه‌تی توركیا) كۆبونه‌وه‌یه‌ك ڕێكخرا، بۆ گواستنه‌وه‌ی‌ حسابی‌ حكومه‌تی‌ هه‌رێم له‌(هاڵك بانك)ی توركیا بۆ ژێر ده‌سه‌ڵاتی‌ وه‌زیری‌ دارایی‌‌و ئابوری‌، بۆیه‌ له‌سه‌ر فه‌رمانی‌ سه‌رۆكی‌ حكومه‌تی هه‌رێم، له‌دوای (1/9/2015)ه‌وه‌ كار به‌و بڕیاره‌ ده‌كرێت، واته‌ له‌یه‌كی مانگی داهاتوه‌وه‌، ته‌نها وه‌زیری دارایی ده‌توانێت پاره‌ له‌توركیاوه‌ بهێنێت‌و بۆ ئه‌و مه‌به‌سته‌ش ده‌چێته‌ توركیا‌و به‌رپرس ده‌بێت له‌پاره‌ی نه‌وتی فرۆشراوی هه‌رێم‌و هێنانی بۆ هه‌رێمی كوردستان، به‌مه‌به‌ستی دابه‌شكردنی موچه‌ی فه‌رمانبه‌ران‌و خه‌رجییه‌كانی دیكه‌ی حكومه‌تی هه‌رێم، چونكه‌ تائێستاش له‌كۆی (865) ملیار دیناری موچه‌، ته‌نها (300) ملیار بۆ مانگی شه‌ش دابه‌شكراوه‌.

به‌گوێره‌ی ڕاگه‌یه‌ندراوێكی وه‌زاره‌تی دارایی‌و ئابوری حكومه‌تی هه‌رێم كه‌ وێنه‌یه‌كی ده‌ست NNA كه‌وتوه‌، ئه‌مڕۆ هه‌شت وه‌زاره‌ت‌و حه‌وت ده‌سته‌‌و ده‌زگای حكومه‌تی هه‌رێم موچه‌ی مانگی شه‌شیان وه‌رگرت‌و بڕیاره‌ سبه‌ینێ دووشه‌ممه‌ش (31-8-2015) موچه‌ی وه‌زاره‌تی ته‌ندروستی دابه‌شبكرێت.
-----------------------------------------------------------------
بیلال جه‌عفه‌ر- NNA/(/)

ڕاپۆرتەکان...

..:: NNA ::..
یەک شەممە, ئاب 30 2015

له‌به‌رنامه‌ی شیكردنه‌وه‌ی ئه‌مڕۆی NNAدا، ئه‌ندازیار (عومه‌ر عینایه‌ت) په‌رله‌مانتاری فراكسیۆنی گۆڕان له‌په‌رله‌مانی كوردستان ڕایگه‌یاند، كۆبونه‌وه‌ی پێنج حزبه‌كه‌ بوه‌ته‌ به‌دیلی په‌رله‌مان‌و بوه‌ته‌ په‌رله‌مانی بن سێبه‌ر، بۆ شه‌رعیه‌تدانی ئه‌و كۆبونه‌وانه‌، چه‌ند په‌رله‌مانتارێكیان به‌شداریپێكردوه‌، تائێستاش بێئه‌نجام بوون، وتیشی:"مه‌رج نییه‌ ئه‌وه‌ی حزبه‌كان له‌سه‌ری ڕێكده‌كه‌ون، په‌رله‌مانتاران پێوه‌ی پابه‌ندبن، چونكه‌ په‌رله‌مانتاران نوێنه‌ری خه‌ڵكن نه‌ك حزبه‌كان".

له‌هه‌مان به‌رنامه‌دا (شوان ئه‌حمه‌د) ئه‌ندامی لیژنه‌ی یاسایی په‌رله‌مانی كوردستان له‌فراكسیۆنی پارتی ڕایگه‌یاند، له‌كۆبونه‌وه‌ی پێنج قۆڵیدا لێكتێگه‌یشتن هه‌یه‌، بۆیه‌ ناكرێت به‌ڕه‌شبینی بڕوانینه‌ كۆبونه‌وه‌كان له‌باره‌ی پرسی سه‌رۆكایه‌تی هه‌رێم، چونكه‌ ده‌توانرێت دواجار هه‌موان بگه‌نه‌ سازان.

په‌رله‌مانتاره‌كه‌ی گۆڕان وتیشی:"ئه‌و نوێنه‌رانه‌ی وه‌ك بزوتنه‌وه‌ی گۆڕان به‌شدارن له‌كۆبونه‌وه‌ی پێنج قۆڵی، به‌نوێنه‌ری خۆمیان نازانم، چونكه‌ خاوه‌نی ده‌نگده‌ر‌و ڕای خۆمم، ڕه‌نگه‌ بڕیارێك بدرێت، منی په‌رله‌مانتار به‌دڵم نه‌بێت، بۆیه‌ ده‌بێت ته‌نها له‌په‌رله‌مانه‌وه‌ پرسی سه‌رۆكایه‌تی هه‌رێم یه‌كلایی بكرێته‌وه‌".

عومه‌ر عینایه‌ت په‌رله‌مانتاری گۆڕان هێمایبه‌وه‌شكرد، پارتی ته‌نها له‌پێناو مانه‌وه‌ی (مه‌سعود بارزانی) له‌پۆسته‌كه‌ی‌و ده‌سه‌ڵاته‌كانی هه‌وڵده‌دات، كه‌واته‌ پارتی به‌نیازه‌ بۆ ئه‌به‌د پۆستی سه‌رۆكی هه‌رێم لای خۆی بێت؟ چونكه‌ ئه‌گه‌ر ئه‌و نیازه‌ی هه‌بێت، لایه‌نه‌كان ده‌بنه‌ دوو هێڵی ته‌ریب‌و ناگه‌ن به‌یه‌كتری، وتیشی:"له‌كۆبونه‌وه‌ی (19)ی ئابدا حزبه‌كه‌م پێی وتین مه‌چنه‌ كۆبونه‌وه‌ی په‌رله‌مان، به‌ڵام چوین، چونكه‌ له‌سوێندی په‌رله‌مانیماندا نه‌وتراوه‌ دڵسۆزی حزبه‌كه‌مان بین، بۆیه‌ هه‌ر بڕیارێك بدرێت، مه‌رج نییه‌ ئێمه‌ی په‌رله‌مانتار ده‌نگی پێبده‌ین".

له‌به‌رامبه‌ردا په‌رله‌مانتاره‌كه‌ی پارتی ڕه‌تیكرده‌وه‌‌و ڕایگه‌یاند، پارتی بڕوای به‌ده‌ستاوده‌ستكردنی ده‌سه‌ڵات هه‌یه‌‌و سه‌رۆكی هه‌رێم به‌گوێره‌ی یاسای ژماره‌ یه‌كی ساڵی (2005) به‌رده‌وامه‌‌و له‌ناو خه‌ڵكیشه‌وه‌ هه‌ڵده‌بژێردرێت‌و با حزبه‌كانیش كاندیدیان هه‌بێت، وتیشی:"سه‌رۆكی هه‌رێم پێشتر ڕایگه‌یاندوه‌، حزبه‌كان هه‌ر بڕیارێك بده‌ن پێوه‌ی پابه‌ندده‌بێت".

بۆ زانیاری زیاتر گوێبیستی به‌رنامه‌كه‌ بن..

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Share selected track on FacebookShare selected track on Twitter
Download

----------------------------------------------------------------
ئاماده‌‌و پێشكه‌شكار: بیلال جه‌عفه‌ر

شه‌ڕڤانان چالاكیه‌كی گرنگ ئه‌نجامده‌ده‌ن
30 ئاب 2015, یەک شەممە, 16:47:20

له‌چالاكیه‌كدا بۆیه‌كه‌مجار شه‌ڕڤانانی یه‌كینه‌كانی پاراستنی گه‌ل (یه‌په‌گه‌) خۆیان گه‌یانده‌ جه‌رابلوس‌و گورزی قورسیان له‌تیرۆرستانی داعش وه‌شاند‌و گه‌ڕانه‌وه‌.

به‌گوێره‌ی ئه‌و زانیاریانه‌ی ده‌ست NNA كه‌وتون،

پێدانی كارتی نیشتمانی دوا ده‌كه‌وێت
30 ئاب 2015, یەک شەممە, 19:49:28

به‌ڕێوه‌به‌ری ڕه‌گه‌زنامه‌و باری شارستانی كه‌ركوك ئاماژه‌به‌وه‌ده‌كات، به‌هۆی گروپ تیرۆرستی داعشه‌وه‌ پرۆسه‌ی‌ پێدانی كارتی یه‌كگرتوی نیشتمانی له‌عێراق دوا ده‌كه‌وێت‌و له‌واده‌ی‌ خۆیدا دابه‌شناكریت.

عه‌مید

سعودیه‌؛ ئاگركه‌وتنه‌وه‌ (107) كه‌سی كرده‌ قوربانی
30 ئاب 2015, یەک شەممە, 16:20:44

ئاگرێك له‌یه‌كێك له‌كۆمه‌ڵگه‌كانی‌ نیشته‌جێبونی‌ سه‌ر به‌كۆمپانیای‌ ئارامكۆ له‌عه‌ره‌بستانی سعودیه‌ كه‌وته‌وه‌، به‌هۆیه‌وه‌ ده‌یان قوربانی لێكه‌وته‌وه‌.

وته‌بێژی‌ حكومه‌تی‌ سعودیه‌ ڕایگه‌یاند، ئه‌مڕۆ

نه‌تنیاهۆ: ئێران هاوكاری‌ تیرۆر ده‌كات
30 ئاب 2015, یەک شەممە, 13:54:57

سه‌رۆك وه‌زیرانی‌ ئیسرائیل ڕایگه‌یاند، هه‌ڵگرتنی‌ سزاكان له‌سه‌ر ئێران، ڕێگه‌ بۆ ده‌سه‌ڵاتی‌ تاران خۆشده‌كات، به‌شێوه‌یه‌كی‌ باشتر هاوكاری‌ تیرۆر بكات‌و ئه‌جنداكان په‌یڕه‌وبكات.

ماڵپه‌ڕی‌ كه‌ناڵی‌ جه‌زیره‌،

  • هەواڵ بەپێی ڕۆژ
  • ئەرشیڤ...
  • بایۆگرافیا

ڤیدیـــــــــــــــــــــــــــــۆ:

کاریکاتۆر

123456789